नुकताच न्यायालयाने अनैसर्गिक शारीरिक संबंधीचे गुन्हेगारी कलम ३७७ रद्द केले त्यामुळे समलैंगिक संबंध हा कायदेशीर गुन्हा राहणार नाही.एका अर्थाने न्यायपालिकेचे अभिनंदनच केले पाहिजे कारण बहुमत पद्धती स्विकारलेल्या आपल्या देशात व्यक्तिगत हक्काचे महत्व अधोरेखित केले आहे अन् ते मान्य करताना " I am what I am, so take me as I am." या जर्मन तत्ववेत्त्याच्या विधानाचा आधार घेतला आहे.
या निकालाचा LGBTQIA+ संबंधित लोकांना आनंद होणे स्वाभाविक आहे परंतू ह्या आनंदाचा अतिरेकी बाजार अथवा उन्मादी उदात्तीकरण करायची काही एक गरज नाही कारण या निकालाचा अर्थ तुमच्या वैयक्तिक आवडी-निवडी खाजगी पातळीवर स्विकार्हाय असतील परंतू कुणाही तिसऱ्याला अथवा समाजाला हानीकारक असता कामा नये हा सर्व सामान्यांना असणारा नियम त्यांना सुद्धा लागू आहे.
वास्तविक मानवी व्यवहाराचे प्रकृती, विकृती अन् संस्कृती या तीन प्रकारात वर्गीकरण केले आहे.जे नैसर्गिक ते प्राकृतिक पण काही न समजू शकणाऱ्या कारणांमुळे नैसर्गिक गोष्टीतही बदल घडतो ती इतरांच्या तुलनेत विकृती असू शकते परंतू त्याच्या दृष्टीने ते नैसर्गिकच असते परंतू व्यक्तिगत आवड_निवड जोपासताना इतर बाबींवर प्रतिकूल परिणाम होणार नाही यासंबंधी जागरूक राहून स्वतः सार्वजनिक साधनसुचिता पाळणे ही असते संस्कृती याचा विचारीजणांना विसर पडता कामा नये.
बहुमत असणाऱ्यांनी इतरांचे वेगळेपण मान्य करत असताना इतरांनी समलैंगिकतेतून नैसर्गिक प्रजोत्पादन होऊ शकत नाही तो केवळ चार भिंतींच्या आतील वैयक्तिक आनंद अथवा समाधानाचा भाग आहे हे स्विकारले पाहिजे.त्या गोष्टीचे उदात्तीकरण न करता आपापल्ये
सर्वसामान्यपण जपले पाहिजे.
न्यायालयाने प्रत्येक व्यक्तिगत हक्काची दखल घेत केलेला निर्णय हा उपेक्षित समानतेच्या भल्यासाठी घेतला आहे त्याचा योग्य प्रकारे जागर झाला पाहिजे.
कोणत्याही टिप्पण्या नाहीत:
टिप्पणी पोस्ट करा